کۆمپانیای مێتا نهێنییەکانی ئیدارەی بایدن ئاشکرا دەکات

ئاڤا نیوز 

 

کۆمپانیای ''مێتا'' ئاشکرایکرد بەهۆی فشارەکانی ئیدارەی بایدن، بەشێک لە ناوەرۆکەکانیان سنووردارکراون 

 

وێنە گەورەکە:  کۆمپانیای مێتا هەندێک لە نهێنیەکانی ئیدارەی بایدن بۆ لێژنەی دادوەری ئەنجوومەنی نوێنەران ئاشکرا دەکات کە چۆن کۆشکی سپی، فشاریان خستۆتەسەر تیمی پلاتفۆرمەکە بۆ سنووردارکردنی چەند ناوەڕۆکێک لەبارەی COVID-19. 

 

ڕاگەیێنراوی فەرمی: مارک زوکەربێرگ بەڕێوەبەری جێبەجێکاری لە کۆمپانیای مێتا ڕایگەیاند؛ پەشیمانە لەوەی پێشتر قسەی لەسەر ئەم فشارانە نەکردووە، لەگەڵ چەند  بڕیارێکی دیکەی خاوەنی فەیسبووک و ئینستاگرام و وەتسئەپ لەبارەی لابردنی هەندێک لە ناوەڕۆکەکان.

 

ئەمەش بزانە: جۆبایدن سەرۆکی ئەمریکا، لە ساڵی 2021 ڕەخنەی لە بەشێک لە پلاتفۆڕمەکانی سوشیاڵ میدیا گرت لەناویاندا 'فەیسبووک' کە تۆمەتی ئەوەی دەدایە پاڵ کە هەواڵی ناڕاست سەبارەت بە ڤاکسینەکانی کۆڕۆنا بڵاودەکاتەوە.