کۆتایی بە دابەشکردنی مووچەی مانگی حەوت دێت

ئاڤا نیوز 

 

مووچەی مانگی حەوتی ژمارەیەک وەزارەت و دەزگا و سێ سەرۆكایەتییەكەی هەرێمی كوردستان دابەش دەكرێت و کۆتایی بە دابەشکردنی مووچە دێت. 

 

زانیاریی بەدەستهاتوو: بەپێی ئەو خشتەیەی وەزارەتی دارایی و ئابووریی هەرێمی كوردستان بڵاویكردووەتەوە، ئەمڕۆ پێنجشەممە دوایین ڕۆژی دابەشكردنی مووچەی مانگی حەوتی فەرمانبەرانە، بەم پێیە ئەمڕۆ لەماوەی سێ ڕۆژدا مووچەی سەرجەم فەرمانبەران دابەش كرا.

 

ئەوەی پێویستە بیزانیت: بۆ مانگی حەوت 103 هەزار فەرمانبەر و 17 هەزار مووچەخۆری هێزە ئەمنییەکان لە هەژماری من تۆمار كراون و لەڕێگەی 193 ئامێری ATM لە 63 شوێنی جیاواز مووچەكانیان وەردەگرن.

 

ئەوەش بزانە: دوێنێ چوارشەممە 05-09-2024، پێشه‌وا هه‌ورامانی، گوته‌بێژی حكومه‌تی هه‌رێمی كوردستان بە ئاڤا نیوزی ڕاگەیاند، پێش 15ـی ئه‌م مانگه‌، مووچه‌ی مانگی هه‌شتی مووچه‌خۆرانی هه‌رێمی كوردستان ده‌گات.