هاوکاریی دارایی هاوپەیمانان بۆ پێشمەرگە دابەش دەکرێت

ئاڤا نیوز 

 

هاوکاریی مانگی نۆی هاوپەیمانان بۆ پێشمەرگە ئامادەیە و هەفتەی داهاتوو لە بانکەکانەوە دەست بە دابەشکردنی دەکرێت، بەروارد بە مانگی ڕابردوو 22 هەزار زیاتر وەردەگرن.

 

وێنە گەورەکە: هاوپەیمانان جگە لە پێدانی هاوکاریی لۆجیستی و سەربازی تاوەکو 01-01-2026 مانگانە 13 ملیار و 500 ملیۆن دینار وەک هاوکاریی دارایی بۆ لیوا هاوبەشەکانی پێشمەرگە دابین دەکەن.

 

ئەوەی پێویستە بیزانیت: لیستی ئەو پێشمەرگانەی لەم دوو ڕۆژەدا هاوکارییەکە وەردەگرن ڕەوانەی بانکەکان دەکرێت، ناوەڕاستی هەفتەی داهاتوو دەست بە خەرجکردنی هاوکارییەکە دەکرێت.

 

زانیاریی تایبەت: سەرچاوەیەک لە وەزارەتی پێشمەرگە بە ئاڤا نیوزی گوت، "بڕی هاوکاریی مانگی نۆی هاوپەیمانان بۆ هەر پێشمەرگەیەک 407 هەزار و 69 دینارە، پێش ڕۆژی سێشەممە 08-10-2024 دابەش دەکرێت".

 

زانیاریی زیاتر: هاوکاریی هاوپەیمانان 30 لیوای هاوبەش نزیکەی 50 هەزار پێشمەرگە دەگرێتەوە، بۆ هاوکاریی مانگی نۆ نزیکەی 20 هەزار پێشەرگە لە ڕێگەی هەژماری من ئەو هاوکارییە وەردەگرن.