یەکەم گوژمە بۆ مووچەی مانگی 9 بۆ هەرێمی کوردستان نێردرا

ئاڤا نیوز

 

وەزارەتی دارایی و ئابووریی هەرێمی کوردستان  وادەی دابەشکردنی مووچەی مانگی نۆی ڕاگەیاند و دەڵێت 598 ملیار دینار خراوەتە سەر هەژماری وەزارەت. 

 

ڕاگەیێندراوی فەرمی: وەزارەتی دارایی و ئابووریی هەرێمی کوردستان ڕایگەیاند: دوای تەواوکردنی ڕێکارەکان لەلایەن وەزارەتی دارایی عێراقەوە، یەکەم گوژمە کە بڕەکەی 598 ملیاری دینارە  وەک تەمویلی مووچەی مانگی نۆی فەرمانبەران و خانەنشینانی شارستانی و فەرمانبەرانی گرێبەست خراوەتە سەر هەژماری بانکی هەرێمی کوردستان، بڕیارە دوای تەواوبوونید دابەشکردنی مووچەی مانگی نۆش لە هەفتەی داهاتوودا دەست بە دابەشکردنی بکرێت.

 

ئەوەی پێویستە بیزانیت: ڕۆژی هەینی 4-10-2024 دەست بە دابەشكردنی مووچەی مانگی هەشتی فەرمانبەرانی هەرێمی كوردستان دەكرێت و لە چەند ڕۆژێکدا سەرجەم مووچەخۆران مووچە وەردەگرن. سەرچاوەیەک لە وەزارەتی دارایی و ئابووریی بە ئاڤا نیوزی گوت: ئەمشەو یاخود سبەی لیستی مووچەی مانگی هەشت بڵاودەکرێتەوە.

 

ئەمەش بزانە: لەو بڕە پارەیەی كە ئەمڕۆ خراوەتە سەر هەژماری بانكیی وەزارەتی دارایی هەرێمی كوردستان، مووچەی هێزە ئەمنییەكانی بۆ مانگی نۆ تێدا نییە و بڕیارە هەفتەی داهاتوو بنێردرێت.