لە هایتی هێرشێكی چه‌كداری كوژرانی 20 كه‌سی لێكه‌وته‌وه‌

ئاڤا نیوز

 

بەهۆی هێرشێکی گرووپە چەکدارەکانی "گران گریف" بۆ سەر شارۆچکەیەکی بچووک لە هایتی،  نزیکەی 20 کەس کوژراون و ژمارەیەکیش بریندار بوون.

 

وێنە گەورەکە: دوای بڵاوبوونەوەی گرتەیەکی ڤیدیۆیی لە تۆڕەکۆمەڵایەتییەکان کە نیشانی دەدات کۆمەڵێک خەڵک لە شارۆچکەیەکی هایتی هەڵدێن، دەرکەوت ڕووداوێکی کۆمەڵکوژیی بووە و تێیدا نزیکەی 20 کەس کوژراون کە منداڵیشی تێدا بووە، نزیکەی 50 کەسیش بریندار بوون.

 

ڕاگەیێنراوی فەرمی: سەرچاوەیەکی ئەمنی لە هایتی ڕایگەیاند: هێرشەکە لەلایەن گروپی تاوانکاریی "گران گریف" بووە کە کۆمەڵکوژییەکەیان ئەنجامداوە و نزیکەی 20 کەس کوژراە و 50 کەسیش بریندارن، پێدەچێت بەهۆی سەختی برینی هەندێک لە برینداران ژمارەی مردن بەرزتر بێتەوە.

 

زانیاریی زیاتر: گروپی چەکداریی "گران گریف" یەکێکن لە تووندوتیژترین و مەترسیدارترین باندەکانی تاوانکاری لە هایتی و بەپێی لێکۆڵینەوەی نەتەوە یەکگرتووەکان ئەو باندە نزیکەی 100 ئەندامی هەیە کە تۆمەتبارن بە تاوانەکانی کوشتن و دەستدرێژی سێکسی و دزی و ڕفاندن لە هایتی.

 

باکگراوند: لە کانوونی دووەمی 2023دا  ئەندامانی گروپەکە تۆمەتبارکران بە هێرشکردنە سەر بنکەیەکی پۆلیس لە نزیک ناوچەیەکی هایتی و شەش ئەفسەریان کوشت. هاوکات گروپەکە تۆمەتبارن بە داخستنی نەخۆشخانەیەک  کە خزمەتی زیاتر لە 700,000 کەس دەکات.