کۆمەڵگەی پەروەردەیی بارزانیی نەمر لە هەولێر دەکرێتەوە

ئاڤا نیوز

 

سەرۆکوەزیران مەسرور بارزانی، بۆ جاری یەکەم لەسەر ئاستی عێراق و کوردستان کۆمەڵگەی پەروەردەیی بارزانی نەمر دەکاتەوە، کە کۆمەڵێک تایبەتمەندی جیاواز لەخۆ دەگرێت و شێوازێکی مۆدێرێن بوونیاد نراوە،

 

وێنە گەورەکە: ئەمڕۆ یەکشەممە، کۆمەڵگەی پەروەردەی بارزانی نەمر دەکرێتەوە کە لەسەر بودجەی حکومەتی هەرێمی کوردستان و لەسەر ڕووبەری 12 هەزار مەتر دووجا دروستکراوە، هاوکات ئەو قوتابخانەیە نزیکەی هەزار قوتابی لە ڕێگەی هەڵسەنگاندنی پێشوەختە وەردەگیرێت.

 

زانیاریی بەدەستهاتوو: خوێندن لە باخچەی ساوایان دەستپێدەکات تاوەکو پۆلی 12ی ئامادەیی، هاوکات خوێندن بە هەردوو زمانی کوردی و ئینگلیزی دەبێت، بەشێوەیەک لە باخچەی ساوایانەوە وانەی ئینلگیزی دەخوێندرێت.

 

زانیاریی زیاتر: ئەم کۆمەڵگەیە، وانەکانی مۆسیقا، شانۆ و وەرزشی بەجیا تیادا دەخوێندرێت، قوتابییان ڕۆژانە شەش کاتژمێر و نیو  وانە دەخوێنن، هەروەها چوار تاقیگەی پێشکەوتوو و کتێبخانەیەکی چوار هەزار سەرچاوەی لەخۆدەگرێت، دوو مەلەوانگە بۆ  کوڕان و کچان تێدایە، دوو یاریگەی وەرزشی و کافتریا، پارک، هۆڵی سیمینار، هۆڵی شانۆ، هۆڵی سینەما و مۆسیقا لەخۆدەگرێت.