زۆنگاوەکان؛ شوناسی بەشێک لە دانیشووانی عێراق

ئاڤا نیوز

 

زۆنگاوەکانی عێراق، شوناس و ناسنامەی دانیشتووانی ناوچەی دوورە دەستی زیقار، ئەو ناوچەی جاران بە ڤینیسیای عێراق ناوی دەبرا.

 

چیرۆکی سەرەکی: زۆنگاوەکان ناوچەیەکی دابڕاوی عێراقن کە هیچ خزمەتگوزارییەکی پێشکەوتووی وەکو؛ تۆڕی ئاو و کارەبا و هێڵەکانی پەیوەندی تێدانییە بەجۆرێک ژیان لەو ناوچەیە تەواو سادەیە و هیچ ئامڕازێکی خۆشگوزەرانی تێدا نییە، دووری ئەو ناوچەیە کەمترە لە 100 کیلۆمەتر لە سەنتەری پارێزگای زیقار و میسان و بەسڕە.

 

زانیاریی زیاتر: ناسراوترین زۆنگاوەکانیش' حەوێزە و عەمارە لە پارێزگای میسان و زیقار، کاری ڕۆژانەی دانیشتووانی ئەو ناوچەی عێراقیش بەخێوکردنی گامێش و ڕاوە ماسییە، بەهۆی وشکبوونی پانتاییەکی فراوانی زۆنگاوەکان پیشەکانیشیان بەرەو لەناوچوونە. 

 
ئەوەی پێویستە بیزانیت: بەهۆی کەمبوونەوەی ئاوی فوڕات، پانتایی زۆنگاوەکان بەرەوام بەرەو کەمبوونەوە دەچێت، بەجۆرێک ئێستا لە سێ هەزار کیلۆمەتر دووجاوە کەمبووەتەوە بۆ 60 کیلۆمەتر دووجا، ئەمەش وایکردووە ئاوەکەی سوێربێت و سامانی ماسی بەرەو لەناوچوون بچێت.