ژمارەی ئەو کەسانەی لە ئەمریکا بەهۆی ماکدۆناڵدەوە ژەهراوی بوون لەبەرزبوونەوەدایە

ئاڤا نیوز

 

بەهۆی خواردنی ساندویچێکی ماکدۆناڵدەوە، ژمارەی ئەو کەسانەی ژەهراوی بوون گەیشتە 104 کەس کە لە 14 ویلایەتی ئەمریکا تۆمارکراوە.

 

ڕاگەیێنراوی فەرمی: بەرپرسانی تەندروستیی فیدراڵی ڕایانگەیاند، بەهۆی بوونی بەکتریا لەناو هەمبەرگری ماکدۆناڵدەوە، لایەنیکەم 104 کەس ژەهراوی بوون، جۆری بەکتریایەکەش "ئیکۆلیە".

 

چی ڕوودەدات: لە ویلایەتە یەکگرتووەکانی ئەمریکا بەهۆی پێکهاتەکانی ناو ساندویچێکی ماکدۆناڵد چەندین کەس ژەهراوی دەبن  و ژمارەی تووشبووانیش تا دێ زیاتر دەبن.

 

زانیاریی زیاتر: ''تا ئێستا بەهۆی ئەم ژەهراویبوونە پیاوێکی تەمەن 88 ساڵ لەویلایەتی کۆلۆرادۆ گیانی لەدەستداوە، لە 14 ویلایەتی ئەمریکا 34 کەس بەهۆی ژەهراوی بوونەوە لە نەخۆشخانەکان ناویان تۆمارکراوە کە چوار لەو کەسانە تووشی نەخۆشیی گورچیلە بوون و بارودۆخیان ناجێگیرە''.

 

ئەمەش بزانە: زۆرینەی ئەو کەسانەی ژەهراویبوون لە ویلایەتی کۆلۆرادۆ تۆمارکراون کە ژمارەیان 30 کەسە.