ئێران بەفەرمی گازی پێویست بۆ وێستگەی ئەتۆمییەکانی دابین دەکات

ئاڤا نیوز

 

ئەمڕۆ یەکشەممە ئێران دەستی بە بەگەڕخستنی وێستگە ئەتۆمییە پێشکەوتووەکانی کرد و بۆ ئەو مەبەستەش گازی پێویستی بۆ دابینکرد، ئەمە وەڵامێکە بۆ بڕیاری ئاژانسی نێودەوڵەتی وزە لە بارەی پرۆگرامی ئەتۆمی ئێران.

لێدوانی فەرمی: محەمەد قالیباف سەرۆکی پەرلەمانی ئێران رایگەیاند: گازی پێویستیان بۆ بەگەڕخستنی سەنتەرفیوجی وێستگە ئەتۆمییەکان دابینکرد، کە ئەمەش وەڵامێکە بۆ بڕیارە بێ بەهانەکەی ئاژانسی نێودەوڵەتی وزە.

سەرۆکی پەرلەمانی ئێران دەڵێت، ئەمریکا و ئەوروپا پرۆگرامی ئەتۆمییان کردووەتە بەهانە بۆ سزادانی ئێران و دۆخەکەیان ئاڵۆز کردووە، بۆیە تاران بە مافی خۆی دەزانێت وەڵامی ڕۆژئاوا بداتەوە.

لەلایەکی دیکەوە: بەهرۆز کەمالوەندی، جێگری سەرۆکی ڕێکخراوی وزەی ئەتۆمی ئێران ڕایگەیاند، ژمارەیەک ئامێری سەنتەرفیوجی نوێ و پێشکەوتوویان بەگەڕبخاتخستووە، هەروەها ئێران بە مافی خۆی دەزانێت پەرە بە پرۆگرامی ئەتۆمی لە بواری ئاشتی بدات.

لە گۆشەیەکی دیکە:  وەزارەتی کارەبای عێراق رایگەیاند، ئێران بە تەواوی هەناردەی گازی بۆ عێراق راگرتووە، بەهۆیەوە بەرهەمهێنانی 5.5 گێگاوات کارەبا کەمدەکات، بۆیە لەگەڵ وەزارەتی نەوت لەسەر هێڵن تاوەکو قەرەبووی ئەو کورتهێنانەی ئێران بکاتەوە.