بەلەمێکی کۆچبەران لە دەریای ئیجە ژێرئاوکەوت

ئاڤا نیوز

 

بەهۆی ژێرئاوکەوتنی بەلەمێکی کۆچبەرانەوە لە دەریای ئیجە لە نزیک کەناراوەکانی یۆنان، هەشت کۆچبەر گیانیان لەدەستداوە.

 

چی ڕوودەدات: ئەمڕۆ دووشەممە، بەلەمێکی کۆچبەران لە باکووری کەناراوەکانی دوورگەی سامۆسی یۆنانی لە رۆژهەڵاتی دەریای ئیجە ژێرئاوکەوت، تیمەکانی پاسەوانی دەریایی یۆنان توانیویانە 40 کۆچبەر رزگار بکەن، هەر لە ئەنجامی ئەو ڕووداوە هەشت کۆچبەریش گیانیان لەدەستداوە.
 
ڕاگەیێنراوی فەرمی: پاسەوانی دەریایی یۆنانی ڕایگەیاند، لە ئەنجامی ژێرئاوکەوتنی بەلەمێکی کۆچبەران شەش منداڵ و دوو ئافرەت گیانیان لەدەستداوە و گەڕان بەدوای کۆچبەرانی دیکەش بەردەوامە و ناسنامەیان ئاشکرا نەکراوە.
 
 
زانیاریی زیاتر: بەگوێرەی داتاکانی نەتەوە یەکگرتووەکان، لەسەرەتایی ئەمساڵەوە تاوەکو ئێستا، دوو هەزار و 214 کۆچبەر لەرێگەی دەریا بۆ گەیشتن بە وڵاتانی ئەوروپا، گیانیان لەدەستداوە یان بێسەروشوێن بوون.