ڕووسیا: بەشار ئەسەد سووریای جێهێشتووە

ئاڤا نیوز

 

وەزارەتی دەرەوەی ڕووسیا ئاشكرای دەكات بەشار ئەسەد سووریای بەجێهێشتووە و ڕەتیشی دەكاتەوە مۆسكۆ ئاگاداری دانووستانەكانی لادانی ئەسەد لە دەسەڵات بێت.

 

وێنە گەورەكە: ئەمڕۆ 08-12-2024 هێزەكانی ئۆپۆزیسیۆنی سووریا گەیشتنە دیمەشقی پایتەختی سووریا و كەوتنی دەسەڵاتی بەشار ئەسەدیان ڕاگەیاند.

 

لێدوانی فەرمی: وەزارەتی دەرەوەی ڕووسیا ڕاگەیێنراوێكی بڵاوكردووەتەوە و تیایدا ئاشكرایكردووە،  بەشار ئەسەد بەرلەوەی بڕوات، دەستلەکارکێشانەوەی نووسیوە و دواتر وڵاتی بەجێهشێتووە، ئەوەش دوای گفتوگۆی لەگەڵ هێزەکانی ئۆپۆزیسیۆنی سووریا بۆ ڕادەستکردنی دەسەڵات.

 

زانیاریی زیاتر: وەزارەتی دەرەوەی ڕووسیا جەختیشی لەوەكردەوە، بنکە سەربازییەکانی ڕووسیا لە سووریا لە حاڵەتی هۆشداریی و ئامادەییدان، بەڵام هیچ هەڕەشەیەکی جدییان لەسەر نییە.

 

ئەوەی پێویستە بیزانیت: مۆسكۆ ڕەتی كردەوە ئاگاداری گفتوگۆكانی دانووستانی لادانی ئەسەد لە دەسەڵات بێت.