ئەمریكا: ڕێگەنادەین ئاڵۆزییەكانی سووریا بگەنە عێراق

ئاڤا نیوز

 

ڕاوێژكاری ئاسایشی نیشتمانی ئەمریكا ڕایدەگەیەنێت، ڕێگەنادەن ئاڵۆزییەكانی سووریا بگاتە عێراق.

 

وێنە گەورەكە: دوای بەردەوامبوونی شەڕ بۆ ماوەی 11 ڕۆژ، هێزەكانی ئۆپۆزیسیۆنی سووریا گەیشتنە دیمەشقی پایتەختی سووریا و بەفەرمی كەوتنی دەسەڵاتی بەشار ئەسەد ڕاگەیێنرا، عێراقیش كە سنوورێكی بەرفراوانی لەگەڵ سووریادا هەیە، ترسی گواستنەوەی گرژییەكانی هەیە، هاوشێوەی ئەوەی لە ساڵی 2014 لەكاتی سەرهەڵدانی داعش ڕوویدا.

 

ڕاگەیێنراوی فەرمی: جاك سولیڤان، ڕاوێژكاری ئاسایشی نیشتمانی ئەمریكا لە فەرمی خۆی لە پلاتفۆرمی ئێکس ڕایگەیاند، "هەموو هەوڵێك دەدەین بۆ ڕێگریكردن لەوەی ئاڵۆزییەكانی سووریا بگوزارێتەوە ناو خاكی عێراق".

 

باكگراوند: عێراق و سووریا بەدرێژایی 599 كیلۆمەتر سنووری هاوبەشیان هەیە كە بەشێكی زۆری لە ناوچە بیابانەكانی پارێزگای ئەنبار و نەینەوایە، بەهۆی چۆڵی ئەو ناوچانە زۆرجار چەكداران لەنێوان هەردوو وڵات دزە دەكەن، بۆیە حكومەتی عێراق هەزاران سەربازی بۆ توندكردنی سنوورەكان گواستەوە ئەو شوێنانە.