بلینکن: پشتگیری حکومەتی داهاتووی  سووریا دەکەین

ئاڤا نیوز

 

وەزیری دەرەوەی ئەمریکا ڕایگەیاند، پشتگیری لە حکومەتی داهاتووی سووریا دەکەن کە گەلی سووریا خۆی هەڵیدەبژێرێت.

 

وێنە گەورەکە: ڕۆژی 14-12-2024، وەزیرانی دەرەوەی وڵاتانی عەرەبی لە ئوردن لەبارەی دۆخی سووریا کۆبوونەوە و لە بەیاننامەیەکدا داوایان لە ئەمینداری گشتیی نەتەوەیەکگرتووەکان کرد نوێنەرایەتیی نەتەوەیەکگرتووەکان بۆ هاوکاریکردنی سووریا دابمەزرێنێت. هاوکات پشتیوانی خۆیان بۆ گەلی سووریا و پێشکەشكردنی هاوکارییەکان بۆ ئەو وڵاتە دووپات کردەوە.
 
لێدوانی فەرمی: ئەنتۆنی بلینکن، وەزیری دەرەوەی ئەمریکا لە تۆڕی کۆمەڵایەتیی ئێکس دەربارەی کۆبوونەوەکانی عەقەبە لە ئوردن سەبارەت بە دۆخی سووریا ڕایگەیاند: "پشتگیری گواستنەوەی دەسەڵات لە سووریا دەکەین، ئەمریکا پاڵپشتی حکومەتی داهاتووی سووریا دەکات کە نوێنەرایەتیی تەواوی پێکهاتەکانی سووریا بکات".

 

باکگراوند: ڕۆژی 8 دیسێمبەر دەسەڵاتی 53ساڵەی بنەماڵەی ئەسەد لەسەر دەستی هێزەکانی  تەحریرولشام کۆتایی پێهات.