لە ساڵێكدا هەولێر 750 هەزار تۆن سەوزە و میوەی هەناردەی پارێزگاكانی عێراق كردووە

ئاڤا نیوز

 

بەڕێوەبەری كشتوكاڵی پارێزگای هەولێر باس لە دۆخ و ئاستی بەرهەمە كشتوكاڵییەكانی جووتیارانی سنووری پارێزگای هەولێر دەكات و دەڵێ جۆرەكەی باشە و بڕەكەشی زۆرە، بۆیە چەندین بەرهەم ڕەوانەی دەرەوەی هەرێمی كوردستان دەكرێت.

 

لێدوانی فەرمی: هێمن سەید موراد، بەڕێوەبەری گشتیی كشتوكاڵی هەولێر بە ئاڤای ڕاگەیاند: تەنیا لە ساڵی 2024دا زیاتر لە 750 تۆن سەوزە و میوەی جووتیارانی سنووری پارێزگای هەولێر هەناردەی پارێزگاكانی باشوور و ناوەڕاستی عێراق كراوە، ئەمەش دوای پڕكردنەوەی پێداویستیی ناوخۆ دێت. بە گشتی بەرهەمە كشتوكاڵییەكانی جووتیارانی كورد، لە پارێزگاكانی عێراق خواستێكی زۆریان لەسەرە.

 

ئەوەی پێویستە بیزانیت: بەرهەمە کشتوکاڵییەکانی جووتیارانی سنووری هەولێر کە پەتاتە، هەنار، قۆخ، ترێ، باینجان، هەنجیر، کاڵەک، شووتی و تەماتە و چەند بەرهەمێکی دیکەش دەگرێتەوە. ئەمساڵ حەوت هەزار تۆنی بۆ ئیمارات، هەزار تۆنی بۆ سعوودیە، 300 تۆنی بۆ سووریا، 100 تۆنی بۆ وڵاتانی باشووری ئەفریقا و لیبیریا هەناردە کراوە.