سەرۆکی ئەنجوومەنی نوێنەرانی ئەمریکا هەڵبژێردرا

ئاڤا نیوز 

 

بەزۆرینەی دەنگی ئەندامانی ئەنجوومەنی نوێنەران، مایک جۆنسۆن کاندیدی کۆمارییەکان بە سەرۆکی ئەنجوومەنی نوێنەرانی ئەمریکا هەڵبژێردرا. 

 

لێدوانی فەرمی: مایک جۆنسۆن، سەرۆکی هەڵبژێردراوی ئەنجوومەنی نوێنەرانی ئەمریکا ڕایگەیاند: هێزێکی کاری فیدراڵی تەندروست و خێراتر و بەهێزتر دروست دەکەین و کۆنگرێسی داهاتووش قەبارە و مەودای حکومەت لە دەستخستنە کاروبارەکان بە شێوەیەکی بەرچاو کەمدەکاتەوە.

 

لەلایەکی دیکەوە: دۆناڵد ترەمپ، سەرۆکی هەڵبژێردراوی ئەمریکا پیرۆزبایی لە سەرۆکی نوێی ئەنجوومەنی نوێنەرانی وڵاتەکەی کرد و وتی، گەلی ئەمریکا چوار ساڵە چاوەڕێی عەقڵی ساغ و هێز و سەرکردەی کردووە، ئێستا بەدەستی دەهێنن و ئەمریکا لە جاران گەورەتر دەبێت.

 

باکگراوەند: مایک جۆنسن، کاندیدی کۆمارییەکان لە کۆی 433 دەنگ توانی دەنگی 218 ئەندامی ئەنجوومەنی نوێنەرانی ئەمریکا بەدەستبهێنێت و بە سەرۆکی ئەنجوومەنی ئەمریکا هەڵبژێردرا.