زێلینسکی: ڕووسیا بە 40 مووشەک هێرشی کردووەتە سەر کەرتی وزەی ئۆکراینا

ئاڤا نیوز

 

ئۆکراینا ڕایگەیاند، ڕووسیا بە 40 مووشەک هێرشی کردووەتە سەر کەرتی وزەی ئۆکراینا و بەشێکیان لەڕێگەی سیستمی بەرگریی وڵاتەکەوە خراونەتەوە خوارەوە.

وێنەگەورەکە: ڕۆژی 15-1-2025، دوای ڕۆژێک لە ڕاگەیاندنی گەورەترین هێرشی ئاسمانی ئۆکراینا بۆ ڕووسیا، شەوی ڕابردوو وەک وەڵامێک ڕووسیا دەیان مووشەک و فڕۆکەی بێفڕۆکەوانی ئاراستەی کەرتی وزە و گازی ئۆکراینا کرد.

 

لێدوانی فەرمی: ڤۆلۆدیمێر زێلینسکی، سەرۆکی ئۆکراینا ڕایگەیاند: مۆسکۆ شەوی ڕابردوو بە  زیاتر لە 40 مووشەک و 70 فڕۆکەی بێفڕۆکەوان هێرشی کردە سەر ژێرخانی وزە و گازی ئۆکراینا، لەو ژمارە مووشەکەش 30 مووشەکیان لە ڕێگەی سیستمی بەرگریی وڵاتەکەوە خرانە خوارەوە.

 

ئەوەی لەبارەیەوە دەگوترێت: دەسەڵاتدارانی ئۆکراینا دەڵێن، هێرشەکانی ڕووسیا بۆ سەر ئەو کەرتی وزەی وڵاتەکەیان زیانی گیانی نەبووە و دۆخەکە لە ژێر کۆنترۆڵە.