ئەمریکا پێنج هێرشی ئاسمانی دەکاتە سەر حوسییەکانی یەمەن

ئاڤا نیوز

 

ئەمریکا پێنج هێرشی ئاسمانی کردە سەر پێگەی حوسییەکان لە پارێزگای عومران لە یەمەن.

 

ڕاگەیێنراوی فەرمی: بەگوێرەی میدیای حوسییەکان، هێرشەکان ناوچەی سوفیان لە پارێزگای عومران لە باکووری سەنعای پایتەختی یەمەنیان بە ئامانج گرتووە.

 

هۆکارە زانراوەکان: ئەم هێرشانەی ئەمریکا دوای ئەوە هات کە عەبدولمەلیک حوسی، ڕێبەری حوسییەکان هەڕەشەی ئەوەی کرد ئەگەر ئیسرائیل بە ئاگربەستی غەززەوە پابەند نەبێت ئەوان درێژە بە هێرشەکانیان بۆ سەر کەشتییەکانی دەریای سوور و بۆ سەر ئیسرائیل دەدەن.

 

لەلایەکی دیکە: حوسییەکان بە پاساوی بەرگریکردن لە خەڵکی غەززە هێرشەکانیان ئەنجام دەدا، ئێستا ئیسرائیل و حەماس لەسەر ئاگربەست و ئازادکردنی بارمتەکان ڕیککەوتوون کە بڕیارە لە 19-1-2025ـەوە ڕێککەوتنەکە بکەوێتە بواری جێبەجێبوون.