ئەمڕۆ نەوەی نوێ بڕیار لە بەشداریكردن لە حكومەت دەدات

ئاڤا نیوز

 

ئەمڕۆ نەوەی نوێ لەسەر ئاستی سەركردایەتیی و فراكسیۆنەكەی كۆدەبێتەوە و بڕیار لەسەر بەشداریكردن یاخود بەشدارینەكردن لە كابینەی دەیەمی حكومەتی هەرێمی كوردستان دەدات.

 

وێنە گەورەكە: هەنگاوەكانی پێكهێنانی كابینەی نوێی حكومەتی هەرێمی كوردستان لەنێوان لایەنە براوەكانی هەڵبژاردن خێراتر بووە و چاوەكان لەسەر ئەوەن، ئەم هەفتەیە پرسەكە یەكلایی ببێتەوە، جووڵانەوەی نەوەی نوێ كە خاوەنی 15 كورسیە و براوەی سێیەمی هەڵبژاردنی خولی شەشەمی پەرلەمانی كوردستانە، تا ئێستا خۆی یەكلایی نەكردووەتەوە كە بەشداری حكومەت دەكات یاخود نا.

 

لێدوانی فەرمی: عومەر مامە كوردە، ئەندامی ئەنجوومەنی سەركردایەتیی جووڵانەوەی نەوەی نوێ لە پارێزگای هەولێر ڕایدەگەیەنێت، كۆبوونەوەكە لەسەر ئاستی سەركردایەتیی و فراكسیۆنی پەرلەمانی كوردستانە و بڕیاردەدەن لەسەر بەشداریكردن یاخود بەشدارینەكردن لە حكومەتی داهاتووی هەرێمی كوردستان.

 

ئەوەی پێویستە بیزانیت: مانگی ڕابردوو شاندی نەوەی نوێ بەجیا لەگەڵ شاندی دانووستاندنکاری پارتی و یەكێتی كۆبووەتەوە، مەرج و داواكارییەكانی خۆی بە هەردوو حیزب گەیاندووە.