سەرۆکی ئاژانسی نێوەدەوڵەتیی وزەی ئەتۆم: ئێران نزیکە لە دروستکردنی بۆمبی ئەتۆمی

ئاڤا نیوز

 

ڕافایل گرۆسی، سەرۆکی ئاژانسی نێوەدەوڵەتیی وزەی ئەتۆم لەمیانی لە کۆڕبەندی ئابووری جیهان بە ڕۆژنامەنووسانی ڕاگەیاند، لە ئێستادا ئێران نزیکەی 200 کیلۆگرام یۆرانیۆمی پیتێنراوی هەیە، کە نزیکەی 90%ی ئامادەیە بۆ دروستکردنی بۆمبی ئەتۆمی.

 

وێنە گەورەکە: ئێران داوای لە وڵاتانی ئەوروپا کردووە گفتوگۆکانیان لەسەر بەرنامە ئەتۆمییەکەی دەستپێبکەنەوە و مەسعود پزیشکان، سەرۆکی ئەو وڵاتەش ئامادەییی وڵاتەکەی بۆ هەمان مەبەست نیشانداوە.

 

لێدوانی فەرمی: ڕافایل گرۆسی، سەرۆکی ئاژانسی نێوەدەوڵەتی وزەی ئەتۆم  لە کۆڕبەندی ئابووریی جیهانی ڕایگەیاند:

-     ئێستا ئێران نزیکەی 200 کیلۆگرام یۆرانیۆمی پیتێنراوی هەیە، کە نزیکەی 90% بۆ دروستکردنی بۆمبی ئەتۆمی دەکرێ بەکاربهێنرێت.
-    ئێران پیتاندنی یۆرانیۆمی بە ڕێژەی 60% زیادکردووە ئەمەش حەوت هێندەی ئاستی پێشوویەتی.

 

لەلایەکی دیکەوە: بەپێی پێوەرەکانی ئاژانسی نێوەدەوڵەتی وزەی ئەتۆم، ئەو ڕێژە یۆرانیۆمەی ئێران هەیەتی ئەگەر زیاتر ئەو وڵاتە پەرەی پێبدات دەتوانێت پێنج بۆمبی ئەتۆمی پێ بەرهەمبهێنێت.

 

باکگراوەند: ئەم پێشهاتە نیگەرانی وڵاتانی ڕۆژئاوای لێکەوتەوە، چونکە پێیانوایە زیادبوونی چالاکییەکانی پیتاندنی یۆرانیۆم، لەلایەن ئێرانەوە مەترسین بۆ بڵاوبوونەوەی چەکی ئەتۆمی و ئاسایشی ناوچەکە.