لە سلێمانی نرخی یەک کیلۆ دۆمبەلان بە 180 هەزار دینارە

ئاڤا نیوز

لە علوەی سلێمانی نرخی دۆمبەلان بە 180 هەزار دینار كڕین و فرۆشتنی پێ دەكرێت و دوای 10 ڕۆژی دیكەش هەڵووژە دێتە بازاڕەكان و پێشبینی دەكرێت هاوشێوەی ساڵانی ڕابردوو نرخی 400 هەزار دینار بێت.

زانیاریی پەیامنێر: پەیامنێری ئاڤا چووەتە عەلوەی سلێمانی كە ئێستا تەنیا دۆمبەلان بەردەستە و نرخەكەشی لە 200 هەزار دینار نزیک دەبێتەوە، هەموو ساڵێك لەسەرەتای دەركەوتنی بەرهەمە بەهارییەكان بەهۆی ئەوەی بە بڕێكی كەم لە بازاڕ هەیە و خواستی زۆری لەسەرە و خەڵكێكی زۆر حەزی لێیەتی، نرخەكەی بەشێوەیەكی دەگمەن بەرز دەبێتەوە کە زۆر لە سەرووی نرخی ئاسایی خۆی مامەڵەی پێوە دەكرێت.

ئەوەی پێویستە بیزانیت: دۆمبەلان كە بەهۆی هەورە بروسكەوە لە ناخی زەوییەوە دەردەچێت، لە ناوچە دەشتاییەكان زیاتر بەرهەم دێت، تامێكی خۆشی هەیە و لە گۆشت نزیكە، جاران پێیان دەوت گۆشتی فەقیران، ئێستاش چەند ئەوەندە نرخەكەی لە گۆشتی ئاسایی گرانترە.