بە تۆمەتی گەندەڵی دادگاییکردنی سەرۆکوەزیرانی ئیسرائیل دەستپێدەکاتەوە

ئاڤا نیوز

دادگاییکردنی بنیامین ناتانیاھو دەستپێدەکاتەوە، دوای ئەوەی بە بیانووی سەردانەکەی بۆ ئەمریکا ماوەی دوو ھەفتە بوو دادگاییکردنەکەی ڕاگیرابوو.

چیرۆکی سەرەکی: دادگای ناوەندیی ئیسرائیل لە شاری تەل ئەبیب، دانیشتنەکانی خۆی تایبەت بە دادگاییکردنەوەی بنیامین نەتانیاھو، سەرۆکوەزیرانی ئیسرائیل بە تۆمەتی گەندەڵی دەستی پێ کردەوە.

بڵاوکراوەی فەرمی: کەناڵی 12ـی ئیسرائیل بڵاوی کردەوە ئەمڕۆ دووشەممە، دادگاییکردنەوەی بنیامین نەتانیاھو بە تۆمەتی گەندەڵی، لەلایەن دادگای ناوەندیی ئیسرائیلەوە، دەستیپێکردووەتەوە.

ئەوەی پێویستە بیزانیت: بنیامین نەتانیاھو دوای چوونە ناو ھۆڵی دادگا بە دادوەرانی گوتووە: لە ڕووی سیاسییەوە ھەست بە خۆشحاڵی دەکەم، سەردانێکی مێژووییم بۆ ئەمریکا ئەنجامدا، بەڵام لە دوو ھەفتەی ڕابردوودا بە دۆخێکی سەختی تەندروستییدا تێپەڕبووم کە تا ئێستاش دەرمانی چارەسەر بەکاردەھێنم.