ئەپیکۆر پێشوازیی لە هەڵوێستەکانی ئەمریکا و عێراق دەکات

ئاڤا نیوز

کۆمەڵەی پیشەسازیی نەوتی کوردستان، ئەپیکۆر لە ڕاگەیێنراوێکدا ستایشی هەوڵ و پشتیوانییەکانی مارکۆ ڕۆبیۆ، وەزیری دەرەوەی ئەمریکا دەکات. ئەمەش بە هۆی پشتیوانییەکانی لە بەرامبەر پرسی هەناردەکردنەوەی نەوتی هەرێمی کوردستان.

وێنە گەورەکە: ڕۆبیۆ لەو چوارچێوەیەدا ڕۆژی 25-2-2025 پەیوەندیی تەلەفۆنی بە محەممەد شیاع سودانی، سەرۆکوەزیرانی عێراق کردووە و هەردوولا لەسەر دووبارە دەسپێکردنەوەی خێرای هەناردەی نەوتی هەرێمی کوردستان لە ڕێگەی عێراق-تورکیاوە ڕێککەوتوون.

ڕاگەیێنراوی فەرمی: ئەپیکۆر لە ڕاگەیێنراوەکەیدا،

- پێشوازی لە هەڵوێستی سودانی دەکات سەبارەت بەو بابەتە کە لە 26-2-2025 باسی لەوە کردووە کە حکومەتەکەی دەیەوێت لاپەڕەیەکی نوێ لەگەڵ کۆمپانیا چالاکەکانی بواری نەوت لە هەرێمی کوردستان هەڵبداتەوە.

- ڕاگرتنی هەناردەی نەوتی هەرێمی کوردستان لە ئاداری 2023 زیانی لە بەرژەوەندییە سیاسی و بازرگانییەکانی ئەمریکا گەیاندووە و ناسەقامگیریی لەناو بازاڕەکاندا درووست کردووە و هەڕەشەش بووە بۆ سەر ئاسایش و ئابووریی هەرێمی کوردستان.

- زیانی 27 ملیار دۆلاری بە هەرێمی کوردستان، عێراق و کۆمپانیاکانی سەر بە ئەپیکۆر گەیاندووە و زیانەکانیش بەردەوامن.

- ئەپیکۆر ئامادەیی کۆمپانیاکانی بۆ دەستبەجێ دەستپێکردنەوە بە هەناردەکردنەوەی نەوتی هەرێمی کوردستان ڕادەگەیێنێت ئەگەر لە بارەی خەرجییەکانی ڕابروود و داهاتووی کۆمپانیاکانەوە ڕێککەوتن بزرێت.