کرێملن سەبارەت بە گرژییەکانی نێوان ترەمپ و زێلێنسکی:  بێ وێنە بوو

 

ئاڤا نیوز

کرێملن دەمەقاڵییەکەی نێوان هەردوو سەرۆکی ئەمریکا و ئۆکراینا بە بێ وێنە وەسف دەکات و دووپاتیدەکاتەوە، پێویستە زێلێنسکی ناچار بکرێت ''ئاشتی'' قەبووڵ بکات.

چیڕۆکی سەرەکی: دوای ئەو دەمەقاڵێیە گەرمەی نێوان دۆناڵد ترەمپ، سەرۆکی ئەمریکا و ڤلۆدیمیر زێلێنسکی، سەرۆکی ئۆکراینا لە ئۆفیسی ئۆڤاڵ دروست بوو،  کرێملن "بێ وێنە" وەسفی کرد.

لێدوانی فەرمی: دیمیتری پێسکۆڤ، وتەبێژی کرێملن لە بارەی دەمەقاڵییەکە ڕایگەیاند، ڕووداوێکی تەواو بێ وێنەیە پێشتر هاوشێوەی نەبووە، ئاماژەشی بەوەکرد، زێلێنسکی لە ڕووی دیپلۆماسییەوە  زۆر لاواز دەرکەوت.

وتیشی، زێلێنسکی ئاشتی ناوێت، پێویستە کەسێکی بەهێز وای لێبکات کە ئاشتی پەسەند بکات.

زانیاریی زیاتر: دوای ئەم دەمەقاڵێیە، زێلێنسکی سەردانی بەریتانیای کرد سەرۆکوەزیرانی ئەو وڵاتە ڕاگەیاند، لەگەڵ فەرەنسا و کۆمەڵێک وڵاتی دیکە کاردەکەن بۆ داڕشتنی پێشنیازی ئاشتی بۆ ڕووسیا و ئۆکراینا دواتر پێشکەش بە ترەمپ دەکرێت.