حکومەتی سووریا کۆنترۆڵکردنی لازقیە ڕادەگەینێت

ئاڤا نیوز

 

هێزەکانی ئاسایشی حکومەتی سووریا کۆنترۆڵکردنی پارێزگای لازقیە و ئۆپەراسیۆنی ڕاوەدونان و لەناوبردنی هێزەکانی پاشماوەی ڕژێمی بەشار ئەسەدی ڕاگەیاند.

 

وێنە گەورەکە: هێزەکانی پاشماوەی ڕژێمی بەشار ئەسەد کە زۆرینەیان لە بەشێکی عەلەویەکانی سووریا پێکهاتوون، هەڵمەتێکی هێرش و ڕووبەڕووبوونەوەیان دژ بە هێزەکانی ئاسایشی حکومەتی نوێی سووریا لە پارێزگای لازقیە و ناوچەکانی کاناراوەکانی ڕۆژئاوای سووریا و تەرتووس دەستپێکردووە و لە بەرامبەردا حکومەتی نوێی سووریا ئۆپەراسیۆنێکی بۆ ڕووبەڕووبوونەوە و دەستگیرکردنی سەرکردە و ئەندامەکانی ئەو هێزانە ڕاگەیاند.

 

لێدوانی فەرمی: موستەفا سەبوح، فەرماندەی هێزەکانی ئاسایشی لازقیە ڕایگەیاند، شاری لازقیە بە تەواوی لەژێر کۆنترۆڵی هێزەکانی ئاسایشی حکومەتی نوێی سووریادایە، هەروەها گەمارۆی سەر هەموو بارەگا و خاڵە سەربازییەکان تێکشکێنراون و هێزەکانی پاشماوەی ڕژێمی بەشار ئەسەد لە شارەکە کراونەتە دەرەوە.

 

لەلایەکی دیکەوە: فەرماندەی ئۆپەراسیۆنی ئاسایشی سووریا وەدەرنانی هێزەکانی پاشماوەی ڕژێمی بەشار ئەسەدی لە شاری تەرتووس ڕاگەیاند و بەردەوامی ئۆپەراسیۆنەکەی تاوەکو کۆتاییهێنان بەو هێزانە و دڵنیایی لە ئاسایش و سەلامەتی هاووڵاتییانی سووریا دووپاتکردەوە.