ئەڵمانیا داوا لە سووریا دەکات تووندوتیژییەکان ڕابگیرێن

 

ئاڤا نیوز

وەزارەتی دەرەوەی ئەڵمانیا داوا لە حکومەتی سووریا و هەموو لایەنەکان دەکات لە تەشەنەسەندنی تووندوتیژییەکان دوور بکەونەوە. 

چیرۆکی سەرەکی: دوێنێ شەڕ و پێکدادانەکان لە نێوان سوپای سووریای نوێ و پاشماوەی چەکدارانی سەر بە بەشار ئەسەد لە لازقیە ڕوویدا بە هۆیەوە بە دەیان کەس کوژران. 

ڕاگەیێنراوی فەرمی: وەزارەتی دەرەوەی ئەڵمانیا لە ڕاگەیێنراوێکدا دەڵێت، "ئێمە شۆک بووین بەو ژمارە زۆرەی کوژراوان لە هەرێمەکانی ڕۆژئاوای سوریا. داوا لە هەموو لایەنەکان دەکەین بە دوای چارەسەری ئاشتی، یەکێتیی نیشتیمانی، دیالۆگی سیاسیی گشتگیر و دادپەروەریی ڕاگوزەرەوە بن بۆ چارەسەرکردنی بەردەوامیی تووندوتیژییەکان."

زانیاریی زیاتر: بە گوێرەی ڕاپۆرتی چاودێری مافەکانی مرۆڤی سووریا، کە بارەگا سەرەکییەیەکەی لە لەندەنی پایتەختی بەریتانیایە، لە پێکدادانەکاندا لە بانیاس و لازقیە و جەبلە، لانیکەم 147 کەس کوژراون کە لەو ژمارەیە 134 کەسیان عەلەویی سڤیل بوون و لە ناویشیاندا 13 ژن و پێنج منداڵ هەن.