واشنتن پۆست: لە پێنج مانگدا ئەمریکا 100 گرێبەستی چەکی لەگەڵ ئیسرائیل کردووە

ئاڤا نیوز 

 

لە سەرەتای جەنگی نێوان ئیسرائیل و حەماسەوە تاوەکو ئێستا، ئەمریکا 100 گرێبەستی چەک و تەقەمەنی لەگەڵ ئیسرائیلدا واژۆ کردووە.

 

وێنە گەورەکە: هەرچەندە ئەمریکا تاوەکو ئێستا بەفەرمی تەنیا دوو گرێبەستی لەگەڵ ئیسرائیلدا ڕاگەیاندووە، بەڵام لە ڕۆژی 07-10-2023ـەوە تاوەکو ئێستا، 100 گرێبەستی چەک و تەقەمەنی لە نێوان ئیسرائیل و ئەمریکادا واژۆکراون و ئاشکرا نەکراون. 

 

ڕێککەوتنەکە بەم شێوەیەیە: ئەمریکا لە ماوەی پێنج مانگدا چەکی سووک، تەقەمەنی، پارچەی دروستکردنی چەک، زەخیرەی جەنگ و چەندین چەکی وێرانەکەری بە ئیسرائیل فرۆشتووە.

 

ئەوەی پێویستە بیزانیت: لە دوو گرێبەستدا کە ئەمریکا بەفەرمی ڕایگەیاندووە، جاری یەکەم بە بەهای 106 ملیۆن دۆلار گوللـەی تانک و لە جاری دووەمدا بە بەهای 147 ملیۆن دۆلار مووشەکی 155 ملیم بە ئیسرائیل فرۆشراوە.