دەزگای هەواڵگریی ڕووسیا و ئەمریکا لەسەر هەماهەنگی یەکتر ڕێکدەکەون

ئاڤا نیوز

بۆ یەکەمجار دوای دەستبەکاربوونی دۆناڵد ترەمپ لە پۆستی سەرۆکایەتیی ئەمریکا، سەرۆکی هەریەک لە دەزگای هەوڵگریی ڕووسیا و ئەمریکا پەیوەندییەکی تەلەفۆنی ئەنجام دەدەن.

چیرۆکی سەرەکی: دوای دەستبەکاربوونی دۆناڵد ترەمپ لە پۆستی سەرۆکایەتی ئەمریکا، پەیوەندییەکانی نێوان ڕووسیا و ئەمریکا پێشکەوتنی خێرا بەخۆیەوە دەبینێت و لە چوارچێوەی فراوانبوونی پەیوەندییەکانی هەردوو وڵات، سێرگی ناریشکین، سەرۆکی دەزگای هەواڵگری ڕووسیا و جۆن ڕاتکلیف سەرۆکی دەزگای هەواڵگری ئەمریکا پەیوەندییەکی تەلەفۆنی ئەنجام دەدەن.

بڵاوکراوەی فەرمی: دەزگای هەواڵگریی ڕووسیا لە ڕاگەیێنراوێکی فەرمیدا هەواڵەکەی پشتڕاستکردۆتەوە و ڕێککەوتنی هەردوو سەرۆکی دەزگای هەواڵگری ڕووسیا و ئەمریکای لە هەماهەنگی و کاری هاوبەش بۆ پاراستنی ئاسایش و سەقامگیری هەردوو وڵات ڕاگەیاند.

بۆچی گرنگە: هەماهەنگی نێوان دەزگای هەواڵگریی ڕووسیا و ئەمریکا ڕۆڵی گەورەی دەبێت لە کەمکردنەوەی ناکۆکیە سیاسی و سەربازییەکانی نێوان واشنتن و مۆسکۆ، کاریگەری گرنگی لەسەر هەوڵەکانی ڕێککەوتنامەی ئاشتی و ڕاگرتنی جەنگی نێوان ڕووسیا و ئۆکراینا دەبێت.