ئەمریکا بەندەرێک بۆ یارمەتییە مرۆییەکانی غەززە دەکاتەوە

ئاڤا نیوز

جۆ بایدن، سەرۆکی ئەمریکا فەرمان بە سوپای وڵاتەکەی دەکات، بەندەرێک لە غەززە درووست بکەن بۆ ئەوەی هاوکاری پێشکەش بە دانیشتووانەکەی بکەن.

بۆچی گرنگە: بە درووستکردنی ئەم بەندەرە ڕێژەیەکی زیاتر هاوکاریی مرۆیی بە هاووڵاتیانی غەززە دەگات.

لێدوانی فەرمی:بەرپرسێکی باڵای ئەمریکا ڕایگەیاند: جۆ بایدن، سەرۆکی ئەمریکا کۆنگرێسی ئاگادارکردووەتەوە لەوەی فەرمان بە سوپا بکات، بەندەرێک بۆ گەیاندنی یارمەتییە مرۆییەکان لە غەززە دابمەزرێنێت.

ئەوەی پێشبینی دەکرێت: بە گوتەی ئەو بەرپرسە، بایدن لە گوتارەکەی ئەمشەویدا ڕایدەگەێنێت کە ڕێنمایی سوپای ئەمریکای کردووە بۆ ئەنجامدانی ئەرکێکی بەپەلە بۆ دامەزراندنی بەندەرێک لە غەززە.

لە لایەکی دیکەوە:  بۆ جاری سێیەم، لە ماوەی کەمتر لە هەفتەیەک ، سوپای ئەمریکا بە هاوبەشی لەگەڵ سوپای ئوردن، لە ڕێگەی فڕۆکەی ئەمریکی سی-130 زیاتر لە 38 هەزار سەبەتەی خۆراکی بۆ دانیشتووانی غەززە هەڵدایە خوارەوە.