ئێران: ئیسرائیل لە دانوستانەکانی نێوان تاران و واشنتن نیگەرانە

ئاڤا نیوز

ئێران هەڵسەنگاندن بۆ هەڵوێستی وڵاتان سەبارەت بە دانوستانی نێوان ئێران و ئەمریکا دەکات و ڕایدەگەیەنێت ئیسرائیل ناڕازییە بە دانوستانەکان.

وێنە گەورەکە: پەیوەندییەکانی نێوان ئەمریکا و ئێران بەرەو ئاسایبوونەوە هەنگاو دەنێن و دوای نامەکەی دۆناڵد ترەمپ بۆ ئێران، لە 2025-04-12 یەکەم کۆبوونەوە لەسەر بەرنامە ئەتۆمیەکەی ئێران لە مەسقەتی پایتەختی عومان کرا، وڵاتانی جیهان هەڵوێستی خۆیان دەربڕی و کۆبونەوەکەیان بە هەنگاوێکی گرنگ بۆ سەقامگیری و ئاشتی لە ڕۆژهەڵاتی ناوڕاست ناوزەند کرد.

بڵاوکراوەی فەرمی: بە پێی ڕاپۆرتێکی ئاژانسی هەواڵی فەرمی کۆماری ئیسلامی ئێران سەرەڕای ڕاگەیاندنی هەڵوێستی ئەرێنی وڵاتان لە سەر کۆبوونەوەی ئێران و ئەمریکا، ئیسرائیل هیچ هەڵوێستێکی فەرمی نەبووە و نیگەرانە لە نزیکبوونەوەی تاران و واشنتن، ئیسرائیل پێش کۆبوونەوەکان دژایەتی خۆی بۆ ڕێککەوتن لەگەڵ ئێران دەربڕیبوو و هێرشی سەربازی وەک تەنها ڕێگەی مامەڵەکردن لە گەڵ ئێران پێشنیاز کردووە.

زانیاریی زیاتر: هەریەک لە سعوودیە، عێراق، میسر، کوەیت، قەتەر و بەحرەین و چەند وڵاتێکی دیکە هەڵوێستی خۆیان سەبارەت بە کۆبوونەوەی نێوان ئەمریکا و ئێران دەربڕیووە و بە هەنگاوێکی گرنگ و ئەرێنی ناوزەندیان کردووە.