پۆلیسی بەریتانیا پێنج کەس بەتۆمەتی تیرۆر دەستگیر دەکات و چواریان بە ڕەچەڵەک ئێرانین

ئاڤا نیوز

 

پێنج کەس کە چواریان بە ڕەچەڵەک ئێرانین لەلایەن پۆلییس بەریتانیا دەستگیرکران، دەزگا ئەمنییەکانی ئەو وڵاتەش دەڵێن، "بەنیازبوون کاری تیرۆریستی ئەنجام بدەن".

 

ڕاگەیێنراوی فەرمی: دۆمینۆک مۆرفی، بەرپرسی بەڕێوەبەرایەتیی دژەتیرۆری میترۆپۆڵ لە بەریتانیا ڕایگەیاند: توانیمان پێنج کەس دەستگیر بکەین کە بەنیازبوون کاری تیرۆریستی لە ناوچەیەکی دەستنیشانکراو و دیار لە بەریتانیا ئەنجامبدەن.

 

دۆمینۆک مۆری لەبارەی ناسنامەی ئەو کەسانەی دەستگیرکراون وتی، "چوار لەو دەستگیرکراوانە بە ڕەچەڵەک ئێرانین و تەمەنیان لە نێوان 29 تا 42 ساڵدایە". بەڵام کەسی پێنجەم هیچ زانیارییەکی لەسەر بڵاونەکراوەتەوە.

 

لەلایەکی دیکە: کێن مەککاڵوم، سەرۆکی دەزگای هەواڵگریی ناوخۆی بەریتانیا لە 9ـی تشرینی یەکەمی 2024 ئەوەی ڕاگەیاندبوو، لە ماوەی دوو ساڵی ڕابردوودا 20 پیلانی تیرۆریستی پوچەڵکردۆتەوە کە کۆماری ئیسلامی پشتیوانی کردوون.