ئیسرائیل بەچڕی فڕۆکەخانەی سەنعا بۆردوومان دەکات

ئاڤا نیوز

 

دوای هۆشدارییەکی خێرای ئیسرائیل بۆ دانیشتوانی نزیک لە فڕۆکەخانەی نێودەوڵەتی سەنعا کە هەرچی زووە ئەو ناوچەیە چۆڵ بکەن، هێزی ئاسمانی ئەو وڵاتە بە کەمتر لە کاتژمێک لەو هۆشدارییە فڕۆکەخانەکەی بەچڕی بۆردوومان کرد. 

 

زانیاریی بەدەستهاتوو: کەمێک بەر لەئێستا دوای هۆشداریی ئیسرائیل بۆ چۆڵکردنی دەورووبەری فڕۆکەخانەی نێودەوڵەوتیی سەنعا لە یەمەن، ئیسرائیل بەچڕی هێرشی ئاسمانی کرد سەر ئەو فڕۆکەخانەیە. 

 

زانیاریی بەدەستهاتوو: بەرپرسێکی باڵای ئیسرائیل ڕایگەیاند، 10 هێرشی ئاسمانی کراوەتەسەر یەمەن لەنێویاندا فڕۆکەخانەی نێودەوڵەتیی سەنعا بەئامانجگیراوە، هاوکات باسی لەوەکردووە کە ئەم هێرشانە بەردەوام دەبن. 

 

ڕاگەیێنراوی فەرمی: ئەم بۆردوومانەی ئیسرائیل بۆ سەر ئەو فڕۆکەخانەیە لە کاتێکدایە نزیکەی کاتژمێرێک بەر لەئێستا سوپای ئیسرائیل هۆشدارییەکی بۆ هەموو دانیشتوانی نزیک ناوچەی فڕۆکەخانەی نێودەوڵەتیی سەنعا نارد و ڕایگەیاند: هۆشدارییەکی بەپەلە بۆ هەموو ئەوانەی لە نزیک ئەو فڕۆکەخانەیە نیشتەجێبوون، داواتان لێدەکەین دەستبەجێ چۆڵی بکەن و هەموو کەسێکی دەورووبەرتان ئاگادار بکەنەوە لە پێویستی چۆڵکردنی ئەم ناوچەیە''.