ئاپی كارتی ئەلیكترۆنی خۆراك لە پارێزگای هەڵەبجە كارا دەکرێت

ئاڤا نیوز 

 

هەڵەبجە وەک یەكەم پارێزگا لەسەر ئاستی هەرێمی كوردستان، ئاپی نوێكردنەوەی كارتی ئەلیكترۆنیی پسوولەی خۆراكی بۆ كارا كرا، ئێستا هاونیشتمانیان دەتوانن لەنێو مۆبایلەكانیان سیستمەكە لە ئەپڵ ستۆر یاخود گووگڵ پلەی داببەزێنن.

 

وێنە گەورەکە: زیاتر لە پێنج مانگە پرۆسەی بە ئەلیكترۆنیكردنی پسوولەی خۆراك دەستی پێكردووە، ئێستا كۆمپانیای جێبەجێكار ئەزموونەكە لە شەش پارێزگای دیكەی عێراق جێبەجێ دەكات.

 

لێدوانی فەرمی: نەوزاد شێخ کامل، بەڕێوەبەری گشتیی بازرگانی بە ئاڤای ڕاگەیاند، نوێكردنەوەی كارتی خۆراك لە پارێزگای هەڵەبجە دەستیپێكردووە و هاونیشتمانیانی پارێزگاكە دەتوانن ئەپەكە لە مۆبایل داببەزێنن، سبەش بەفەرمی ڕایدەگەیەنین.

 

وتیشی، پلان وایە تا كۆتایی ئەم مانگە ئەو سێ پارێزگایەی هەرێمی كوردستان سەرجەمیان تەواوبكرێن و بەئەلیكترۆنی بكرێن.

 

لەلایەکی دیکەوە: وەزارەتی بازرگانیی عێراق داوا لە سەرجەم هاووڵاتیان دەکات کە داتاکانیان تۆماربکەن بۆ پاراستنی مافەکانیان لە وەرگرتنی پسوولەی خۆراک و دڵنیابوون لە بوونیان لەنێو سیستمەکەدا.