ئەمریکا دوو بژاردە بە ئیسرائیل دەدات

ئاڤا نیوز

 

میدیاکانی ئەمریکا بڵاویانکردەوە، ئیدارەی ترەمپ هۆشدارییەکی تووند بە ئیسرائیل دەدات و دوو بژاردەی پێشکەش دەکات سەبارەت بە کەرتی غەززە.

 

زانیاریی بەدەستهاتوو: ڕۆژنامەی واشنتن پۆست بە پشت بەستن بە سەرچاوەیەکی ئاگادار لە ئیدارەی ترەمپ ڕایگەیاند،  ئەندامانی ئیدارەی ترەمپ بە ئیسرائیلیان ڕاگەیاندووە، ئەگەر ئیسرائیل کۆتایی بە شەڕی کەرتی غەززە نەهێنێت، واشنتن دەستبەرداری دەوڵەتی ئیسرائیل دەبێت.

 

ئەوەی پێویستە بیزانیت: ڕۆژنامەکە ئاماژەی بەوەش کرد، ئەندامانی ئیدارەی ترەمپ دەڵێن، بنیامین ناتانیاهۆ، سەرۆک وەزیرانی ئیسرائیل دەتوانێت بە زۆرینەی دەنگ کۆتایی بە شەڕی غەززە بهێنێت، بەڵام ئەو ئیرادەی سیاسی نییە و نایەوێت کۆتایی بە شەر بهێنێت.

قووڵتر: لە چەند ڕۆژی ڕابردوودا گوشارەکانی ترەمپ بۆ سەر ئیسرائیل زیادی کردووە، بەهۆی بەرفراوانکردنی ئۆپەراسیۆنە سەربازییەکانی بۆ سەر کەرتی غەززە، بەڵام نەتانیاهۆ جەخت لەسەر بەردەوامی هێڕشە بەرفراوانەکانی بۆ سەر کەرتی غەززە دەکات بە ئامانجی کۆنتڕۆڵکردنی تەواوی کەرتی غەززە و ئازادکردنی سەرجەم بارمتەکان.