فایلی خەڵک؛ قوتابیانی گوندێکی قەزای پشدەر 15 ساڵە لە کابینەدا دەخوێنن

ئاڤا نیوز

قوتابیانی گوندی باداوا 15 ساڵە لە کابینەدا دەخوێنن. بەڕێوەبەری قوتابخانەکەش دەڵێت، لە وەرزی سەرمادا قوتابییان مەترسییان لەسەرە.

وێنە گەورەکە: قوتابیانی گوندی باداوا لە قەزای پشدەر لەبەر تەواونەکردنی باڵەخانەی قوتابخانەکەیان  15 ساڵە  لە کابینەدا دەخوێنن.

لێدوانی فەرمی: تروسکە عوسمان، بەڕێوبەری قوتابخانەکە دەڵێت: لە وەرزی سەرمادا ژیانیان لە مەترسیدایە چەند جارێکیش بەهۆی کون بوون و داڕمانی سەقفی قوتابخانەکە قوتابیەکان زامداربوون، قوتابخانەکەش شورای نییە و دەوری پۆلەکان بەردەوام پڕە لە سەگ و ئاژەڵ.

لەلایەکی دیکەوە: هەنگاو محەممەد، پەیامنێری ئاڤا قسەی لەگەڵ مەحموود حوسێن، بەڕێوەبەری پەروەردەی پشدەر کردووە، ئەویش گوتویەتی: چەند ساڵێکە دەرخستە بۆ تەواوکردنی باڵەخانەی قوتابخانەی باداوا کراوە، بەڵام هیچ بڕە پارەیەکی بۆ تەرخان نەکراوە، ئێستا بەرپرسانی ئیدارەکە، بەڵێنیان داوە هاوکارمان بن لە تەواوکردنی قوتابخانەکە کە زیاتر لە نیوەی ماوە تەواو بکرێت.