ژنێک لە ئەڵمانیا 18 کەس بە چەقۆ بریندار دەکات

ئاڤا نیوز

 

ژنێک لە وێستگەیەکی شەمەندەفەری ئەڵمانیا، بەچەقۆ هێرش دەکاتە سەر ژمارەیەک هاوڵاتی سڤیل و بەهۆیەوە 18 کەس بریندار دەکات. 

 

چی ڕوودەدات: هاوڵاتیانی ئەڵمانیا لەکاتێکدا لە وێستگەی شەمەندەفەری ناوەندی هامبۆرگ لە چاوەڕوانیدابوون بۆ گەشت، ژنێک بە چەقۆ هێرشیان بۆ دەهێنێت و 18 کەس بریندار دەکات، تاوەکو ئێستاش دیار نییە ڕووداوەکە کردەیەکی تیرۆریستییە یاخود هاندەرێکی تری لە پشتە. 

 

ڕاگەیێنراوی فەرمی: فلۆریان ئابێنسێت، وتەبێژی پۆلیسی ئەڵمانیا ڕایگەیاند: ئەو کەسەی تاوانەکەی ئەنجامداوە ژنێکی تەمەن 39 ساڵە و ڕاستەوخۆ دەستگیرکراوە، تاوەکو ئێستا پاڵنەرەکانی پشت ڕووداوەکە دیار نین و لێکۆڵینەوە بەردەوامە.  

 

زانیاریی زیاتر: ئەمە دووەمین کردەی تاوانکاری هەمان چەشنە کە لەماوەی هەفتەیەکدا لەو وڵاتە ڕوویدا بێت، ڕۆژی یەکشەممەی ڕابردووش پیاوێک لە شاری  شاری بیلێفێڵد لە ڕۆژئاوای ئەڵمانیا پێنج کەسی بریندار کرد.