داعش هێرش دەکاتە سەر شەش خاڵی سەربازیی هەسەدە

ئاڤا نیوز

لە ماوەی کەمتر لە 24 کاتژمێری ڕابردوودا، چەکدارانی داعش هێرشیانکردووەتەسەر شەش خاڵی سەربازیی هێزەکانی سووریای دیموکرات (هەسەدە) لە باکوور و ڕۆژهەڵاتی سووریا.

وێنە گەورەکە: بەوتەی بەرپرسانی هەسەدە، دوای ڕووخانی دەسەڵاتەکەی ئەسەد، داعش ژمارەیەکی زۆر چەک و کەرەستەی سەربازی لە سووپای پێشووی سووریا دەستکەوتووە و ئەوەش توانای ڕێکخراوەکەی بۆ ئەنجامدانی هێرشی سەربازیی زیاتر کردووە.

ڕاگەیێنراوی فەرمی: ڕوانگەی سووری بۆ مافەکانی مرۆڤ بڵاویکردەوە، هێرشەکانی داعش لە سنووری ڕەققە و دێرەزور بوون، لە ئەنجامیشدا لانیکەم دوو چەکداری داعش کوژراون، سێ چەکدار دەستگیرکراون و چەکدارێکی دیکەش بە برینداری ڕایکردووە، هاوکات دوو ئەندامی هەسەدەش برینداربوون.

ژمارەکان وادەڵێن: لە سەرەتای ئەمساڵەوە داعش 97  هێرشی بۆسەر ناوچەکانی باکوور و ڕۆژهەڵاتی سووریا ئەنجامداوە و بەهۆیەوە 35 کەس گیانیان لەدەستداوە، زۆرترین هێرشیش لە سنووری شاری دێرەزوری ڕۆژهەڵاتی سووریا بووە.