کرێملین: پووتین ئامادەی کۆبوونەوەی لووتکەیە

ئاڤا نیوز

 

گوتەبێژی کرێمیلین باس لەوەدەکات، ڕووسیا ئامادەیە گەڕێکی دیکەی دانوستانەکان لەگەڵ ئۆکراینا ئەنجام بدات و شاندی دانوستانکار بۆ ئیستەنبووڵ بنێرێت.

ڕاگەیێنراوی فەرمی: کۆشکی سەرۆکایەتیی ڕووسیا، کرێملین، ڕایگەیاند: ڤلادیمیر پووتین، سەرۆکی ڕووسیا، ئامادە دەبێت بۆ بەشداربوون لە کۆبوونەوەیەکی لووتکە لەگەڵ دۆناڵد ترەمپ، سەرۆکی ئەمریکا، ڤۆلۆدیمیر زێلێنسکی، سەرۆکی ئۆکراینا و ڕەجەب تەییب ئەوردوغان، سەرۆکی تورکیا، ئەگەر دانوستانەکان لەگەل کیێڤ ئەنجامیان هەبێت.

زانیاریی زیاتر: دێمێتری پێسکۆڤ، گوتەبێژی کرێمیلین ئەوەشی گوتووە کە پووتین هەمیشە ئامادەیی هەبووە لەسەر ئاستی باڵا پەیوەندیی هەبێت، بەڵام "سەرەتا دەبێت دانوستانە ڕاستەوخۆکانی نێوان هەردوو وڵات بە ئەنجام بگەن."