فۆڕمی 11 هەزار خانەنشین بۆ وەرگرتنی زەوی ڕەوانەی ئەنجوومەنی وەزیران دەکرێت

ئاڤا نیوز

 

وەزارەتی شارەوانی وردبینی بەشێکی دیکەی فەرمانبەران و خانەنشینان تەواوکردووە و بڕیارە لە ماوەی دوو ڕۆژی داهاتوو ڕەوانەی ئەنجوومەنی وەزیران بکرێت.

 

وێنە گەورەکە: لە پرۆسەی دابەشکردنی زەوی نزیکەی 50 هەزار خانەنشین لە سەرتاسەری هەرێمی کوردستان سوودمەند دەبن، تاوەکو ئێستا فۆڕمی نزیکەی 30 هەزاریان پەسەندکراوە و گەڕێنراوەتە شارەوانییەکان.

 

لێدوانی فەرمی: سەربەست مەولوود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی و گەشتوگوزار بە ئاڤای گوت، "فۆڕمی 14 هەزار و 335  خانەنشین و فەرمانبەر، تەواو بووە، لەو ژمارەیە 11 هەزاریان خانەنشینن و بڕیارە ڕەوانەی ئەنجوومەنی وەزیران بکرێن بۆ وەرگرتنی ڕەزامەندی."

ئەمەش بزانە: بەشێوەیەکی گشتیی تاوەکو ئێستا نزیکەی 370 فۆڕم پەسەندکراون و بەشێکیان گەڕێنراونەتەوە شارەوانییەکان، دوای تەواوبوونی سەرجەم فۆرمەکان دەست بە دابەشکردنی زەوی بەسەر سوودمەندبووان دەکرێت.