کۆمیسیۆن دەرگای پێشکەشکردن بۆ کارمەندی سەر سندووقەکان دەکاتەوە

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق، مەرج و ڕێنماییەکان بۆ کارکردن وەک كارمه‌ندی سه‌ر سندووقه‌كانی هه‌ڵبژاردنه‌كان ئاشکر دەکات و دەرگای پێشکەشکردنیش دەکاتەوە.

 

وێنە گەورەکە: بڕیارە 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت، کۆمیسیۆنیش لە ئامادەکارییەکانی بۆ بەڕێوەبردنی هەڵبژاردنەکان بەردەوامە.

 

بڵاوکراوەی فەرمی: کۆمیسیۆنی باڵای سەربەخۆی هەڵبژاردنەکان ڕادەگەیەنێت، ئەوانەی ئارەزووی کارکردنیان وەک کارمەندی سەر سندووقەکانی دەنگدا هەیە، دەتوانن بە شێوەی ئەلیکترۆنی لە ڕێگەی ئەو بەستەرەی لە خوارەوە هاتووە، داواکاری پێشکەش بکەن.

 

مەرج و ڕێنماییەکان: بە گوێرەی کۆمیسیۆنی باڵای سەربەخۆی هەڵبژاردنەکان، تەنیا ئەم چین و توێژانەی خوارەوە دەتوانن داواکاری پێشکەش بکەن:

•    فەرمانبەرانی هەموو فەرمانگەکانی دەوڵەت، جگە لە هێزە ئەمنی و سەربازییەکان.
•   قوتابیانی زانکۆ و پەیمانگاکان و دەرچووان، بە مەرجێک کەمترین ئاستی خوێندنی دەرچووان دیبلۆم بێت.

 

شێوازی جێبەجێکردن: پێشکەشکردن بە شێوەی ئەلیکترۆنی دەبێت لە ڕێگەی ئەو بەستەرەی لە خوارەوە هاتووە، پاشان فۆڕمی پێشکەشکردن ڕادەکێشرێت و سەردانی ناوەندەکانی تۆمارکردنی ناو پارێزگا دەکرێت، لەگەڵ پێویستی هێنانی بەڵگەنامە داواکراوەکان.

 

لینکی پێشکەشکردن: https://pcemp.ihec.iq