تەنها لەماوەی دوو ڕۆژدا زۆرترین بەرهەمی سەوزە و میوە ڕەوانەی پارێزگاکانی عێراق دەکرێت

ئاڤا نیوز

 

لە دوو ڕۆژی کۆتایی جەژنی قوربان نزیکەی 10 هەزار تۆن بەرهەمی خۆماڵی، لە هەولێرەوە هەناردەی پارێزگاکانی عێڕاق دەکرێت.

 

وێنە گەورەکە: لەماوەی ڕابردوو جووتیاران و بازرگانانی هەولێر، لە بازگەکانی عێڕاق ڕێگریان لێدەکرا بەرهەمە کشتوکاڵیەکانی سەوزە و میوە لە هەولێرەوە هەناردەی پارێزگاکانی عێڕاق بکەن، بەوهۆیەوە جووتیاران و بازرگانان زیانێکی زۆریان بەردەکەوت.

 

لێدوانی فەرمی: هێمن سەید موڕاد، بەڕێوەبەری گشتیی کشتوکاڵی هەولێر بە ئاڤا میدیای ڕاگەیاند: پێدانی پشتگیری لەلایەن بەڕێوەبەرایەتیی گشتیی کشتوکاڵی هەولێر کێشەی ڕێگریکردنی لە بەرهەمی جووتیارانی کوردستانی چارەسەر کردووە، بەجۆرێک تەنها لە ڕۆژانی سێیەم و چوارەمی جەژنی قورباندا، نزیکەی 500 پشتگیری بە جووتیاران و بازرگانان دراوە. 

 

- تەنیا لەماوەی دوو ڕۆژی جەژندا، نزیکەی 10 هەزار تۆن بەرهەمی سەوزە و میوەی خۆماڵی کە تازە و لەم وەرزە پێگەیشتوون بەبێ ڕێگریکردن لە بازگەکان هەناردەی پارێزگاکانی عێراق کراون.

 

زانیاریی زیاتر: ڕۆژانە بەڕێوەبەرایەتیی گشتیی کشتوکاڵ هەولێر، 250 بۆ 300 پشتگیری بە جووتیاران و بازرگانان دەدات، کە بۆ هەر پشتگیریەک زیاتر لە 10 بۆ 15 تۆن بەرهەمی کشتوکاڵ لە هەولێرەوە هەناردەی پارێزگاکانی عێراق دەکرێت.