نرخی زێڕ بەراورد بە ڕۆژانی ڕابردوو لە بازاڕەکاندا دادەبەزێت

ئاڤا نیوز

مسقاڵێک زێری عەیار 21 بۆ 660 هەزار دینار دابەزیوە و لە ئەگەری ئەنجامدانی ڕێککەوتنی نێوان ئەمریکا و چین، ئەو نرخە بەڕێژەیەکی زیاتر دادەبەزێت. 

 

وێنە گەورەکە: نرخی زێر چەند ڕۆژێکە لە گۆڕانکاریدایە هەر ئۆنسەیەک 30 بۆ 40  دۆلار دابەزیوە. ئەمە دوای ئەو بەرزبوونەوە خێرا و نائاساییەی لەماوەی چەند مانگی ڕابردوو بەخۆیەوە بینیبوو.

 

لێدوانی فەرمی: دانا وەرتی، ئەندامی سەندیکای زێڕینگرانی هەرێمی کوردستان بە ئاڤای گوت، "بەراورد بە دوێنێ نرخی زێڕ پێنج هەزار دینار دابەزیوە، ئەمەش پەیوەندی بە نزیکبوونەوەی ئەمریکا و چین لە ڕێککەوتنی ئابووری هەیە، هاوکات بەشێکی دەگەڕێتەوە ئەو گفتوگۆیەی بڕیارە لە نێوان ئەمریکا و ئێران لە کۆتایی ئەم هەفتەیە بکرێت."

ژمارەکان وادەڵین: نرخی ڕاگەیێنراو لەلایەن سەندیکای زێڕنگران ئەمڕۆ بەمشێوەیە:

یەک ئۆنسی زێڕ=3324$
مسقاڵێک زێڕ عەیار 22=690,000
مسقاڵێک زێڕ عەیار 21=660,000
مسقاڵێک زێڕعەیار 18=565,000