وەزارەتی سامانە سرووشتییەکان: عێراق دژی بنەماکانی فیدڕاڵی و دەستوور مامەڵە دەکات

ئاڤا نیوز

وەزارەتی سامانە سرووشتییەکانی حکومەتی هەرێمی کوردستان پەیامێک ئاراستەی حکومەتی عێراق دەکات، و دەڵێت 'سیاسەتی برسیکردنی بەرنامە بۆداڕێژراو بەرامبەر خەڵکی کوردستان پەیڕەو دەکات'.

ڕاگەیێنراوی فەرمی: وەزارەتی سامانە سرووشتییەکان لە ڕاگەیێنراوێکدا دەڵێت،  "حكومەتی فیدراڵی لەسەر چەسپاندنی کۆمەڵێک یاسای ڕژێمی پێشوو سوورە، کە یاسای بەعسی و ناوەندییەتیی بەسەرچووە، بەتایبەتی یاسای ساڵی 1976 بەشێوەیەکی ئاشكرا دژی بنەماکانی سیستمی فیدراڵی و ماددەکانی دەستووری بەركارە".

زانیاریی زیاتر: ڕاگەیێنراوەکەی وەزارەتی سامانە سرووشتییەکان دەشڵێت،  "حکومەتی عێراق مووچە و بژێویی هاووڵاتیانی هەرێمی كوردستانی بڕیوە، ئەمەش پێشێلکارییەکی ئاشکرای مافە سەرەتاییەکانی مرۆڤ و سیاسەتی برسیکردنی بەرنامە بۆداڕێژراوە، بۆ جێبەجێکردنی جیاکارییەکان، کە دژی دەستوورن و ئەوەش لە دڕندانەترین پێشێلکارییەکانە".