ئاژانسی نێودەوڵەتیی وزەی ئەتۆم زانیاری لەبارەی وێستگە ئەتۆمییەکانی ئێران دەخاتەڕوو

ئاڤا نیوز

 

ئاژانسی نێودەوڵەتیی وزەی ئەتۆم دەڵێت، هیچ ئاگادارکردنەوەیان پێنەگەیشتووە کە ئاماژە بەوەبکات وێستگە ئەتۆمییەکانی ئێران کە ئێستا لە قۆناغی دروستکردندان، زیانیان بەرکەوتبێت و ببنە مەترسی لەسەر دانیشتووان.

 

وێنە گەورەکە: سێ ڕۆژە شەڕ و پێکدادانی ڕاستەوخۆ لەنێوان ئیسرائیل و ئێران بەردەوامە، لەو ماوەیەشدا بەشێک لە دامەزراوە ئەتۆمییەکانی ئێران لەلایەن ئیسرائیلەوە کراونەتە ئامانج. 

 

ڕاگەیێنراوی فەرمی: ئاژانسی نێودەوڵەتیی وزەی ئەتۆم لە ڕاگەیێنراوێکدا باسی لەوەشکردووە، لە وێستگەکانی فۆردو و خوندابی ئەتۆمی ئێران هیچ زیانێک تۆمارنەکراوە، بەڵام لە لە وێستگەی ئەتۆمی ئەسفەهان چوار دامەزراوە زیانیان بەرکەوتووە، زیانەکانیش نەبوونەتەهۆی مەترسی بۆ دەرەوەی وێستگەکە.

 

لەلایەکی دیکەوە: ڕۆژی هەینیش ئاژانسی ئەتۆمی ئێران بڵاویکردەوە، بەهۆی هێرشەکانی ئیسرائیل وێستگە ئەتۆمییەکانی وڵاتەکەیان زیانێکی کەم و سنوورداریان بەرکەوتووە.