لە عێراق لە یەک مانگدا زیاتر لە دوو هەزار زیندانی ئازاد کراون

ئاڤا نیوز

وەزارەتی دادی عێراق دەڵێت، تەنیا لە مانگی ڕابردوودا دوو هەزار و 213 زیندانی بەپێی یاسای لێبوردنی گشتیی ئازاد کراون.

ڕاگەیێنراوی فەرمی: وەزارەتی دادی عێراق لە ڕاگەیێنراوێکدا ڕایگەیاند: لە مانگی ئایاری ڕابردوو، دوو هەزار و 213 زیندانی لە پارێزگاکانی عێراق بەپێی یاسای لێبوردنی گشتیی ئازاد کراون.

زانیاریی زیاتر: کۆی گشتی ئەو تۆمەتبارانەی یاداشتی دەستگیرکردن یان ئامادەبوونیان بۆ دەرچووە یان بە کەفالەت ئازادکراون، یان سزای غیابییان بۆ دەرچووە و لێبوردنەکە گرتوونییەتەوە بریتییە لە 111 هەزار و 17 کەس.

باکگراوند: لە 21ـی 1ـی ئەمساڵ، پەرلەمانی عێراق دەنگی لەسەر هەمواری یاسای لێبووردنی گشتی دا، بە پلە یەک خواستی سوننەکان بوو، بەهۆیەوە تاوەکو ئێستا دەیان هەزاران کەس ئازادکراون.