ئەردۆغان: ئیسرائیل مەبەستی بوو دانوستانە ئەتۆمییەكانی نێوان ئێران و ئەمریكا تێكبدات

ئاڤا نیوز

ڕەجەب تەیب ئەردۆغان، سەرۆككۆماری توركیا ڕایدەگەیەنێت، ئیسرائیل مەبەستی بوو بە هێرشكردنە سەر ئێران، دانووستانە ئەتۆمییەكانی نێوان ئەمریكا و ئێران تێكبدات.

 

وێنە گەورەکە: لە كۆبوونەوەی ڕێكخراوی هاریكاریی وڵاتانی ئیسلامی، ڕەجەب تەیب ئەردۆغان، سەرۆككۆماری توركیا وتارێكی پێشكەشكرد و ڕایگەیاند، لەو كۆبوونەوەیە لەپێناو ئاشتی و سەقامگیری، بڕیاری گرنگ و كاریگەر دەدەین.

 

لێدوانی فەرمی: ئەردۆغان ڕایگەیاند، ئیسرائیل دوای هێرشكردنە سەر كەرتی غەززە، لوبنان، سووریا، ئەمجارەیان بەرۆكی ئێرانی گرت و ڕوونە كە نەتانیاهۆ مەبەستیەتی ناوچەكە بەرەو جەنگێكی كاولكار و خوێناوی ببات.

 

سەرۆككۆماری توركیا داواشی لە كۆمەڵگەی نێودەوڵەتیی كرد بەرامبەر دەستدرێژییەكانی ئیسرائیل بێدەنگ نەبن و سنوورێك بۆ سەرۆكوەزیرانەكەی دابنێن.

 

دووپاتیشی كردەوە، ئێران مافی خۆیەتی بەرگریی لەخۆی بكات، هاوكات هاوخەمی گەلی توركیای بۆ قوربانیانی ئەو وڵاتە دەربڕی.