تێکشکاندنی ڕادارەکانی عێراق گرژیی نێوان حکومەت و گرووپە چەکدارەکانی لێدەکەوێتەوە
- هەواڵ
- 3 کاتژمێر لەمەوپێش

دیمەنی سیستیمی ڕاداری بنکەی تاجی
ئاڤا نیوز
هێرشەکەی دوێنێی سەر سیستمی ڕاداری عێراق لە هەردوو بنکەی تاجی و ئیمام عەلی کە بووەهۆی تێکشکاندنیان، گرژیی لە نێوان حکومەت و گرووپە چەکدارەکان دروستکردووە، حکومەت هەڕەشە دەکات و کەسایەتییەکی نزیک لە گرووپەکانیش دەڵێت، ڕادارەکان خرابووونە خزمەت ئیسرائیلەوە.
وێنە گەورەکە: هاوکات لەگەڵ ئاگربەستی نێوان ئێران و ئیسرائیل، دوێنێ هێرشێکی درۆنی کرایەسەر بنکەی تاجی لە بەغدا و بنکەی ئیمام عەلی لە زیقار و بووەهۆی تێکشکاندنی ڕادارەکانیان، نووسینگەی سەرۆکوەزیرانی عێراقیش بڕیاری لێکۆڵینەوەی لەسەر هێرشەکە دەرکرد و ڕایگەیاند، بەتووندی ڕووبەڕووی هێرشکارەکان دەبنەوە.
ڕاگەیێنراوی فەرمی: عەباس عەرداوی، کەسایەتی نزیک لە گرووپە چەکدارەکان لە هەژماری خۆی لە ئێکس ڕایگەیاند، ڕاداری فەڕەنسی لە بنکەی تاجی خزمەتگوزارییان پێشکەش بە ئیسرائیل کردووە، بۆیەش بە ئامانج گیراون.
لەلایەکی دیکەوە: وەزارەتی بەرگری عێراق بڵاویکردەوە، بەهۆی ئەو پۆستەی لە تۆڕی ئێکس کە بووەتەهۆی زیانگەیاندن بە ئاسایشی نیشتیمانیی عێراق و لەسەر بڕیاری محەممەد شیاع سوودانی، فەرماندەی گشتی هێزە چەکدارەکان فەرمانی دەستگیرکردن بۆ عەباس عەرداوی دەرچووە و ئێستا ناوبراو دەستگیرکراوە، جەختیش دەکاتەوە لەوەی هەر کەسێک زیان بە ئاسایشیی وڵات بگەێنێت ڕێکاری یاسایی لەدژی دەگیرێتەبەر.
گۆشەیەکی دیکەی دیمەنەکە: محەممەد شیاع سوودانی، سەرۆکوەزیرانی عێراق لە کۆبوونەوەی دوێنێی ئەنجوومەنی وەزیراندا ئاماژەی بەوەكرد، چەند بنکەیەکی سەربازییان کراونەتە ئامانجی هێرشی فڕۆکەی بێفڕۆکەوان، لە هەمان کاتیشدا هێزە چەکدارەکانی وڵات چەندین هێرشی دیکەیان تێکشکاندووە کە هەوڵیاندەدا بنکەکانی دیکە بکەنە ئامانج.
٠ سوودانی دڵنیایی دا کە عێراق هەرگیز لە پێگەیەکی لاوازدا نەبووە و ناشبێت، و هۆشداریدا: "هیچ سازشێک لەگەڵ هیچ کارێکی ناوخۆیی یان دەرەکیدا ناکەین کە زیان بە ئاسایشمان بگەیەنێت و بە هەموو هێزێکەوە بە تووندی ڕووبەڕووی دەبینەوە."
زیاتر لەسەر ئەم بابەتانە بکۆڵەرەوە
دوایین هەواڵەکان
- هەواڵ
- 1 کاتژمێر لەمەوپێش
مەسرور بارزانی: دڵنیام قەیرانی مووچە بەرەو کۆتایی دەچێت
هەڵبژاردەکان بۆ تۆ
تێچووی جەنگ لەسەر ئێران و ئیسرائیل چەند کەوتووە؟
14 کاتژمێر لەمەوپێش
ئاشکرا بوو؛ مۆساد بە تەلەفۆن هەڕەشەی لە فەرماندەکانی سوپای پاسداران کردووە
14 کاتژمێر لەمەوپێش
پلەکانی گەرمای هەرێمی کوردستان بەجێگریی دەمێننەوە
16 کاتژمێر لەمەوپێش
قۆناغی یەکەمی ئاگربەستی ئیسرائیل و ئێران دەستیپێکرد
24 حوزەیران
گرنگیی عودەیدە؛ بنکە سەربازییەکەی ئەمریکا لە قەتەر کە ئێران هێرشی کردە سەر
23 حوزەیران
- جیهان
- 1 کاتژمێر لەمەوپێش
سکرتێری گشتیی ناتۆ: هێرشی ئەمریکا بۆ سەر بنکە ئەتۆمییەکانی ئێران گرنگ بوو
- هەواڵ
- 1 کاتژمێر لەمەوپێش
مەسرور بارزانی: دڵنیام قەیرانی مووچە بەرەو کۆتایی دەچێت
- ڕۆژهەڵاتی ناوەڕاست
- 1 کاتژمێر لەمەوپێش
ئێران 700 کەسی بە تۆمەتی هاوکاریکردنی مۆساد دەستگیر کردووە
- جیهان
- 2 کاتژمێر لەمەوپێش
لەسەر پرسی ئێران گرژیی لەنێوان ترەمپ و نەتانیاهۆ دروست دەبێت