کۆشکی سپی ڕەتی دەکاتەوە ئێران پێش هێرشەکە یۆرانیۆمی پیتێنراوی گواستبێتەوە

ئاڤا نیوز

وتەبێژی کۆشکی سپی ئاشکرای کرد، ئەمریکا هیچ بەڵگەیەکی دەست نەکەوتووە کە ئێران یۆرانیۆمی پیتێنراوی پێش هێرشەکان گواستبێتەوە.

وێنەگەورەکە: بەرپرسانی ئەمریکا دووپاتی دەکەنەوە، بەهۆی هێرشەکەی ئەمریکا لە ڕۆژی یەکشەممەی ڕابردوو ئێران زیانێکی زۆری بەرکەوتووە و توانا ئەتۆمییەکانی لەدەستداوە، بەڵام لە هەندێك میدیا ئەمریکییەکان دەڵێن: ئێران یۆرانیۆمی پیتێنراوی گواستووەتەوە شوێنێکی پارێزراو و زیانی بەرنەکەوتووە.

لێدوانی فەرمی: کارۆلین لیڤیت، وتەبێژی کۆشکی سپی ڕایگەیاند: ''هەموو ئەو ڕاپۆرتانەی باس لەوە دەکەن، ئێران یۆرانیۆمی پیتێنراوی گواستبێتەوە یاخود زیانێکی زۆری بەرنەکەتووە ساختەن''.

 

ئەوەی لەو بارەیەوە دەگوترێت: بەپێی قسەی شارەزایان، ئێران چەند ڕۆژێک پێش هێرشەکەی ئەمریکا بڕی 400 کیلۆگرام یۆرانیۆمی پیتێنراوی 60% گواستووەتەوە، بەم شێوەیە هێرشەکانی ئەمریکا تەنیا بەرنامە ئەتۆمییەکەی ئێرانی بۆ چەند مانگێک دواخستووە، بەبێ ئەوەی بەتەواوی لەناوببات.