لە ڕۆژهەڵاتی کوردستان لە خاڵێکی پشکنین تەقە لە کوردێک دەکرێت و دەکوژرێت

ئاڤا نیوز

 

لە خاڵێکی پشکنین لە شاری سنە لە ڕۆژهەڵاتی کوردستان تەقە لە هاوڵاتییەکی کورد کرا و کوژرا.

 

چیرۆکی سەرەکی: ئێوارەی ڕۆژی هەینی هاوڵاتییەکی خەڵکی شارۆچکەی دووشانی سەر بە پارێزگای سنە، بەناوی ئازاد ڕەعنایی لەکاتی تێپەڕبوون بە ماتۆڕسکیل لە خاڵێکی پشکنینی سێ ڕیانی مەریوان –سنە، لەلایەن هێزە ئەمنییەکانەوە تەقەی لێدەکرێت.

 

لێدوانی فەرمی: سەرچاوەیەکی ئاگادار بە ڕێکخراوی مافی مرۆڤی هەنگاوی ڕاگەیاندووە، هێزەکانیان گومانیان کردووەتە سەر ئەو ماتۆڕسوارە و فەرمانیان پێکردووە بوەستێت، بەڵام ڕانەوەستاوە و هەڵاتووە، دوای ئەوەی شوێنی کەوتوون، تەقەیان لێکردووە و بریندار بووە، دوای گەیاندنی بە نەخۆشخانە بەهۆی سەختی برینەکەی، گیانی لەدەست داوە.

 

زانیاریی زیاتر: بەهۆی جەنگی ئێران و ئیسرائیل ڕێکاری ئەمنیی توندوتۆڵ لە ناوخۆی ڕۆژهەڵاتی کوردستان و ئێران گیراوەتەبەر و هێزە ئەمنییەکانی ئێران سەدان کەسیان بەتۆمەتی سیخوڕی بۆ ئیسرائیل دەستگیر کردووە.

 

ئەوەی پێویستە بیزانیت: دوای ڕاگەیاندنی ئاگربەستی نێوان ئێران و ئیسرائیل بۆردوومانەکان ڕاوەستان، بەڵام مەفرەزەی هێزە ئەمنیەکان لە شارەکان بەردەوامە و هەر کەسێک گومانی لێبکرێت، دەستگیر دەکرێت.