فایلی خەڵک؛ به‌دواداچوونێكی ئاڤا میدیا ژیانی خێزانێكی هه‌ژار دەگۆڕێت

ئاڤا نیوز

بەهۆی به‌دواداچوونێكی ئاڤا میدیا ژیانی خێزانێكی هه‌ژار دەگۆڕدرێت کە پێشتر بەهۆی هەژارییەوە 45 ڕۆژ لەسەر شەقام دەژیان.

چیرۆکی سەرەکی: خێزانێک لە شاری هەولێر کە لە پیاوێک و ئافرەتێک و منداڵێکی کچی تەمەن 11 ساڵان پێکدێت، پیاوەکە کرێکارە و بەهۆی هەژارییەوە نەیتوانیوە کرێی خانووەکەی بدات، بۆیە خاوەن خانووەکە دەری کردووە، ئەویش بە ناچاری لە باڵەخانەیەکی تەواونەکراوی بێ خزمەتگوزاری لە شەقامی 120 مەتری نزیک گەڕەکی هەولێری نوێ دەژیا، وایەرێکی کارەبای ڕاکێشاوە بۆ ماڵەکەی ڕاکێشاوە کە تەنیا بەشی گڵۆپێک و موبەریدەیەکی کردووە، تەنانەت سەلاجەشیان نەبووە و ئاویشیان بە جلیکان کێشاوە.

زانیاریی پەیامنێر: هیشام سەعید، پەیامنێری ئاڤا میدیا پەیوەندی بە شێخ محەممەد سەعید، بەڕێوەبەری تۆڕی پاراستنی کۆمەڵایەتیی هەولێر کرد، ئەویش قسەی لەگەڵ ژمارەیەک خێرخواز کردووە، خێرخوازەکان خانووێکیان بۆ گرتوون و پێشەکی کرێی چوار مانگیشیان بۆ داوە.