دانوستانەکانی حەماس و ئیسرائیل بێ ئەنجام کۆتایی هات

ئاڤا نیوز

یەکەم دانوستانی ناڕاستەوخۆ لەنێوان ئیسرائیل و حەماس بۆ ڕێککەوتنی ئاگربەست لە غەززە بەڕێوەچوو، سەرچاوەیەکی ئاگادار ئاشكرای کرد کۆبوونەوەکە دەرئەنجامی نەبوو.

وێنە گەورەکە: ئەمریکا پێشنیازی ئاگربەستی بۆ غەززە خستەڕوو و هەر یەکە لە ئیسرائیل و بزووتنەوەی حەماس ڕەزامەندیان لەسەردا و ئەمەش بووە هۆی ئەوەی دانوستان لەنێوان هەردوولایەن دەستپێبکات.

زانیاریی بەدەستهاتوو: دوو بەرپرسی فەلەستینی بۆ ڕۆیتەرز ئاشکرایان کردووە، یەکەمین دانوستانی ناڕاستەوخۆ بۆ ئاگربەست لە غەززە لە نێوان ئیسرائیل و حەماس لە قەتەر بەبێ دەرئەنجامی یەکلاکەرەوە کۆتایی هات، هاوکات دەشڵێن شاندی ئیسرائیل ناتوانن لەگەڵ حەماس بگەنە ڕێککەوتن، چونکە دەسەڵاتی ڕاستەقینەیان نییە''

لەلایەکی دیکەوە: بینامین نەتانیاهۆ لە ئەمریکایە و بڕیار وایە لەگەڵ ترەمپ ئێوارە خوانێک پێکەوە لە کۆشکی سپی بخۆن و پرسی غەززە و ئێران تاوتوێ بکەن.

ئەمەش بزانە: دۆناڵد ترەمپ، سەرۆکی ئەمریکا ئاماژەی بەوەکردووە کە لەم هەفتەیەدا ئەگەر هەیە ڕێککەوتنی ئاگربەست لە غەززە بکرێت.